Mér finnst alltaf svo gaman á föstudögum, alveg að koma frí í vinnu og maður getur slakað aðeins  á með makanum og börnum, og skemmir ekki fyrir að maður er vigtaður á laugardögum sko *fliss*

Ég er farin að óttast  það verulega að vigtin verði ekki mjög stillt í fyrramálið eins og ég hafði vonast til fyrr í vikunni, en það verður þá bara að hafa það ef svo er.

Ég drap í seinustu rettunni á miðnætti, og hef ákveðið að segja skilið við þann kafla í lífinu hjá mér (reykingakflann), og mér er ótrúlega létt bara  .. að vísu bara 13 tímar, en samt sem áður finn ég ekki knýjandi þörf til reykinga eða narts, er með extra tyggjó bara og vatnsglas  mér við hlið.
Ekki skemmir að maðurinn minn hætti að reykja með mér, og eigum við von á að verða um 31.200 krónum ríkari fyrir vikið í hverjum mánuði, ekki slæm verðlaun það!

Anyhow, þetta á víst að vera megrunarblogg en ekki "hætta að reykja blogg", matarmálin eru svo fín núna, fékk mér æðislega gott salat með túnfisk í kvöldmatinn í gær, og það var bara viiiirkilega GOTT, smá ananas og gular baunir og Feta ostur líka .. bara smá sko :)
Svo brenndi ég 710 kal í ræktinni í gær, og gerði heil ósköp af magaæfingum og smá fyrir rass og læri, finn aðeins fyrir rassinum núna en samt ekki beint harðsperrur sem slíkar.

Fer svo eftir ca. klukkutíma að ræktast og ætla að taka  brjóstvöðva axlir og tvíhöfða ásamt brennslu, og hlakkar rosalega til að byrja á því (já ég veit .. sjúklegt að hlakka til þess að fara í leikfimi)

Er aðeins að spá í kvöldmatnum, er alltaf að vinna til svona 7-8 á kvöldin þannig að mér gefst lítill tími til að elda, er orðin svo rooooosalega svöng um það leitið, er að spá í að prófa þessi Tortillas sem eru seld tilbúin í búðinni, á að vera eitthvað voðalega hollt og gott, frá Náttúru eða eitthvað þannig.

Ef mér líst ekki á innihaldslýsinguna skelli ég mér bara á annað salat ... :)

En er farin á smá bloggrúnt og svo í ræktina!

Er komin aftur eftir sukkferð, voða fínt að fá sér smá óhollt öðru hvoru þó að ég hafi nú ekki lagst í óhollustuna samt sem áður.

Vegna ferðalags var ákveðið að vigta mig í dag ... ég skokka hress í bragði (keyri alla 500 metrana) niður í líkamsrækt og skella mér á vogina ... 73.5!!!!!!!
JEIJ!!!

Annars er ég að verða of sein í flug, blogga meira eftir helgina.

Jæja, ég fékk mér smá nammidag í gær.
Hagaði mér mjög vel fram yfir kvöldmat, en fékk mér þá hálfan bragðaref og nokkra Buffalo vængi .. ekkert brjálað sukk en samt mikið meira en nóg.
Hagaði mér svo til fyrirmyndar í dag, en fékk mér 2 bakaðar kartöflur með kvöldmatnum .. sem var skárra en hitt sem var í boði, franskar.

Fór svo út að skokka/hlaupa áðan og ætla í ræktina í fyrramálið að brenna þessum ís af mér, og lyfta svo eftir hádegið!
Ég skal ná af mér 2 kg fyrir páska þó það verði það síðasta sem ég geri .. og hananú :)

Var að koma úr ræktinni þar sem ég var vigtuð og mæld.
Hef misst 1.5 cm af hvoru læri, 2 cm af mitti en ekkert af upphandlegg.
Vigtin fór bara niður um 200 grömm :( EN! Ég er komin niður í 26% fitu, sem ég er mjög ánægð með .. er semsagt slétt 75 kg. í fötum og 175 cm á hæð.

Góða skapið er komið aftur :)
Fór í ræktina í gær og brenndi 495 á orbinu, og 96 í stigavélinni ... úff hvað ég var þreytt í gærkvöldi sko, sofnaði eins og steinn og rumskaði ekki fyrr en núna klukkan rúmlega átta í morgun, útsofin og fín.
Matarmálin eru í fínum gír, langar ekki einu sinni að svindla neitt .. er samt að fá nett ógeð á kjúklingi og sardínum.
Svo verður stigið á vigtina í fyrramálið og vonandi ákveður hún að verðlauna mig fyrir duglegheitin í vikunni og sýna mér fallega tölu.
Er líka með dúndrandi harðsperrur í rassinum og lærunum .. OHH það er svo gott! :)

Mig vantar hugmyndir að kvöldmatnum í kvöld .. er alveg geld í hausnum.

Gærdagurinn varð eitthvað svo glataður að ég nenni varla að blogga um hann .. en það verður víst.
Ég allavega fór í ræktina, var búin að vera þar í smátíma þegar maðurinn minn kemur og dregur mig út og segir mér frekar leiðinlegar fréttir, þannig að ég var ekki í stuði til að halda áfram í leikfimi ...

Ég missti matarlystina þannig að ég borðaði eiginlega ekkert eftir klukkan 4, fyrr en jú klukkan varð 10 í gærkvöldi, þá greip mig mikil nammiþrá, en eg stóðst hana og fékk mér Kelloggs Special K.

Anyways, ætla að fara aftur í dag ... og haga mér í matarræðinu, þarf eiginlega að skella mér í Bónus að kaupa meira af "hollum" mat, þetta er að verða frekar tómlegt hérna núna.

Ohh .. ógeðslega þreytt og mygluð eitthvað í dag.
Hef verið að standa mig ágætlega í matarræðinu, sagði nei takk við pizzunni sem var í matinn í gær og fékk mér eggjaköku, og  það var ekki einu sinni mikið erfitt ... var hálf hissa eiginlega.
Fór í ræktina í gær og orbaði í 40 mín, brenndi þar 511 kal. fór svo á stigavélina og klifraði 100 hæðir og eyddi 96 kal minnir mig ... þokkalega sátt við það. Svo gerði ég magaæfingarnar mínar og fór að vinna.

Í dag ætla ég aftur í ræktina ... var að hugsa um að taka rass og læri + brennslu, sé til hvað ég hef mikinn tíma.

Langar líka að benda ykkur á að kíkja á síðuna hennar Lilju, þvílíkur árangur sem hún hefur náð stelpan, hún er orðin mjóna!

Latasti átaksbloggarinn .. ég .. hefur ákveðið að tjá sig aðeins í dag.

Mig langar að byrja á því að þakka ykkur öllum sem hafið kommentað hjá mér, rosalega hvetjandi að vita af ykkur þarna.

Matarræðið gengur vel, hef ekki látið sykur inn fyrir mínar varir í 3 sólarhringa núna, og hreinlega er ég að spá í að hætta að hafa "nammidaga" sem slíka.
Mér finnst sykur kveikja svo rosalega í fíkninni hjá mér að ég get ekki hætt ef ég byrja, þessvegna fékk ég  mér light popp í staðinn fyrir hefðbundið nammi í gær og naut þess alveg í botn!

Matseðillinn er alltaf svipaður alla daga, nema að ég er að spá í að bæta inn baunaréttum og þessháttar núna á næstunni, er komin með svo mikið leið á kjötinu :(

Í kvöldmatinn hjá mér verður kalkúnapottréttur og brún hrísgrjón .. og mig hlakkar svo til að borða!